طبخات الدجاج...

السلام عليكم ورحمة الله وبركاته

جبت لكم طبخات ويارب تعجبكم

ما راح اطول عليكم ... خلونا نبدا علطول ....



الطبق الاول .. أقراص محشية بالدجاج ومغطاة بصلصة الجبن آآآآآآآآه يجنــــــــــــن

مقادير عجينة الاقراص ..
4 بيضات - كاس دقيق - كاس وثلث حليب - ملعقتين كبيره زيت - نص ملعقه صغيره ملح
* اول شي تخلطين البيض بعدين الحليب والزيت والدقيق المنخول والملح (( العجينه تكون لينـــه ومايله لانها تكون سايله شوي ))
* ادهني المقلاه بشوي زيت وصبي مقدار من العجينه (( ويكون شكله مستدير )) وحمريه من الوجهين

مقادير الحشوه ..
دجاجه مسلوقه مقطعه قطع صغيره (( بدون عظم )) او صدور دجاج للحلوين اللي مهوب عجازين مثلي
بصله كبيره - فصين ثوم مهروسه زيـــن - 2 فلفل اخضر رومي - 4 ملاعق كبيره زبده - 4 طماطم - فلفل اسود وملح
* يقطع البصل والفلفل الرومي والطماطم قطع صغيره ويحمر على النار مع الزبده والثوم .. بعدين يضاف الدجاج ويتبل ويقلب على النار شوي بعدين خلاص !!!
* الحين تحشين الاقراص اللي سويتيها بالدجاج وتطلع مثل حجم الساندويش وصفيها بالصينيه

صلصة الجبن ..
كاسين مرق الدجاج - ربع كاس دقيق - كاس حليب - نص كاس كبير جبن كرافت مبشور
* اول شي ذوبي الدقيق في مرق الدجاج بعدين اخلطي معه الحليب والجبن
* قلبيه على النار لحد ما يصير مثل الباشميل
* آآآآآآآآخر شي صبيها فوق الاقراص ودخليها الفرن وبس



الحين ننتقل للطبق الثاني .. اللي هو صينية الدجاج بالبطاطس المقلي

وهذا طبعاً لا يقل خطوره عن اللي قبله .. طبعا الاسم مره متداول ومتعارف عليه بس الطعم شــــــــــي

دجاجه كبيره - 6 حبات بطاطس كبيره - 3 حبات طماطم بس مو كبيره خخخخخخخخ - بصله بس الحين كبيره - كاس كزبره مفرومه - عصير ليمونتين - مكعب ماجي - نص ملعقه من كل من (( فلفل اسود - كمون - قرفه - قرنفل - هيل )) - ربع ملعقه زعفران - ملح
* اول شي قولي بسم الله وقطعي الدجاجه اربع قطع وافركيها بالملح والدقيق واغسليها وصفيها
* قطعي البطاطس مكعبات وحمريه في الزيت تحمير خفيف
* قطعي البصل والطماطم قطع صغيـــره
* ذوبي الماجي في عصير الليمون .. واضيفي البهارات
* الحين جيبي صينيه وافرشي فيها قصدير واغمسي الدجاج في العصير المتبل وصفيها فوق القصدير ويكون الجلد تحت .. بعدين حطي طبقة من البطاطس بعدين البصل والطماطم بعدين طبقه ثانيه من البطاطس وباقي عصير الليمون و3 ملاعق زيت
* لفي القصدير ودخليه الفرن لحد ما يتحمر الدجاج .. وقت التقديم اقلبيه في صينيه حلوه وكشخه بحيث يكون الدجاج فوق
ويطلع شــــــــي مع الرز الابيض .. يمممممممممممممم



الحين عاد اخر شي .. صينية الدجاج بالبصل

دجاجه متوسطه - 3 بصلات كبيره طبعا احمر - ربع كاس زيت - عصير ليمونه - حلقات ليمونه - نص ملعقه من (( فلفل اسود - كمون - قرفه - قرفنل - هيل )) - ملح - ملعقه سماق
* كالعاده تغسل الدجاجه وتفرك بالملح والدقيق وتغسل .. بعدين قطعيها 8 قطع
* قطعي البصل قطع صغيـــــــره وحطيه بالصينيه
* اخلطي البهارات كلها مع عصير الليمونه واغمسي فيه قطع الدجاج ورصيها فوق البصل
* حطي فوقها حلقات الليمون .. وصبي الزيت فوقهم
* دخليها الفرن بعدين حمريها شوي من فوق .. وبــــــــــــــــس



ان شاء الله يا ربي تعجبكم

رائع ورائع ماتقدميه
الله يعطيك العافيه ...لاحرمنا جديدك وابداعك

مممممممممممممممممممممممممممممممممم

يسلمو الايادى غاليتى

يعطيك العافيه محبوبه

وجودك على صفحتي
أضاءها وأسعدني كثير

تسلم الايادى روووعة